VISION PROVIDER - Prophetic Divine Revelation for Fiji and the World

Sa i ka va ni gauna oqo sa serelaka vei keda na lawata ni bula.
Na matanitu ni veiwekani e i vakaruru ka veiliutaki voli mai.
E tekivuna ko Veritania ka se cici tiko ga oqo ena lewa ni dui kaikai.
Sa tagi na Laione Damu me sere na dali ka a veiliutako voli mai.
Ka me duri na Matanitu Vatu e Viti na Matanitu vaka Parofisai.

Na Lawata ni Bula sa na vakamoce toka mada vakalekaleka.
Me dei na vanua veitalia sara ke sa sega nai yau e vo vei keda.
Meda tagi vata ki lagi ka waraki Koya sa bula vaka i koya me vueti keda.
O koya sa cecere sara na Alifa kei na Omeka ena mai totaki keda.

Dou na uludra na veimatanitu ka sega ni buina.
Dou na matanitu taleitaki duadua e vuravura.
Era na soli ka, ka talevaki vei kemudou na veimatanitu kecega e vuravura.
Era na kalougata na veimatanitu kecega e vuravura e na vukumudou.
Ena sega ni dua na nomudou meca ena tu rawa e matamudou.
Au na kauti kemudou mo dou lako voli e na dela ni bai cecere kecega (tikina cecere) e vuravura.
Dou na yaco me matanitu au na kilai kina e vuravura, kau na vakarokorokotaki e vuravura e na vukumudou.

Sa na bola mada na mua e noda vanua.
Na vulagi kece me ra sa na vakasuka.
Sa soli mai lagi na lewa nei Naulumatua.
Me sa ciqomi e Viti na lewa ni Kalou bula.

Vei Turaga kece meda mai tekicuva.
Me sa qaravi na Kalou dina e noda vanua.
Veika ca kece me da sa mai biuta.
De na qai takoso na Kalou ka sega e dro bula.

Sa na veisau na matanicagi me basika e lomalagi.
Me cereki e matana votu me kilai a nodra i lawaki.
Na i tukutuku ni gauna vou kei Viti me sa tabaki.
Me kila o vuravura ni sa veiliutaki o lomalagi.

Serekali ni vanua sa rui makawa dina.
Veretaki na vanua i na kawa e baleti ira.
Vola i nai vola me ra vakasesei tani kina.
Vakaduria rawa na kuila ni vulagi e noda Vitia.

Ratu sir Lala sa vakuria na kena cakacaka.
Me wasewasea vakatinikava na noda veiyasana.
Ra tokitaki na koro makawa mera cokocoko vata.
Vakasesei kina na nodra i lakolako na tawa vanua taumada.
Na kaukauwa levu sa curuma na kena cakacaka.
Ni soli na kaukauwa mai bulu me vakayagataka.
Vauci vata na vu ni vanua i na dagodago vakatamata.
Me waicala na vanua ena ligai Ratu Sir Lala.

Lutu na yaseyase me tibi na kena liva.
Me suka na vanua me vude mai na dina.
Veika kece sa lewa na Kalou me da qai raica.

Nona vosa vuni na Dauveibuli ena gusu ni parofita.
Vosa ni Kalou bula sa veivakasalataki.
Me qarauni na meca sa vaka na laione sa tagi.
Nona sasaga me vagolei na vanua i na sala tani.
Me guilecava kina o Viti ni o koya na kawa digitaki.

Na Kalou ko Jiova(YHWH) sa tekivu me vakayaco lomana.
Me vakalesui ko Viti ki na ligadra na nona tamata.
Me kila ko vuravura ni o Isireli e nona dina na i matai ni waqa.
Vakadeitaki tu ena yaca i Viti na nodra yavusa kei na kawa.

Lutu ni buto leka sa taiki vakamalua na noda vanua.
Nai vola makawa kei Viti me rogoci tale vakadua.
Me duri vou na matanitu ni Kalou kei na nona kaukauwa.
Mo tucake na Isireli na kawa digitaki ni Ulumatua.
Mo tucake na gone lomani mo saravi ena yasa e va ni lomalagi.

Sa i iko na gone e vakasaqarai ni ko a yali.
Ni ko kauta tiko vei iko na vosa ni veivakalougatataki.
Ena i buki ni wa kulakula sa i vakadei ni kawa digitaki.
Sa galili na vale i tamamu ko Juta(Judah) ni a yali mai kina.
Sai iko na laione vola damu i tamamu ko dau nanumi kina.
Ko i sa ni drua i tacimu o Veresi(Perez) na laione koula e divi kina.
Sai Sira(Zerah) na yacamu ko tawa vanua taumada ko Kaiviti dina.

Vosa ni yalayala vei Isireli ko Jiova(YHWH) ni lewe vuqa.
Au na solia vei iko na vanua mo taukena ni ko sa butuka.
Sai vakadei oqo niu vakayacana me ko Viti ni sa noqu na vanua.

Ko i au dina na kawa nei Sira(Zerah) na Ulumatua nai sa ni drua.
Au sa kacivi meu tucake meu vakarogoi lesu tale.
Ni ra sa vakasaqaqara matua tiko i vuravura na noqu qase.
Sa kauwai na vanua ni sa lala dede na nomu i dabedabe.
Na nomu lesu sa vaka na bula mai na liga ni vu ni tucake tale(Ressurection Power).

Na lewa ni Kalou levu mai lagi me kua ni lau saqati.
Me ciqomi mada na nona lewa me da sa veilomani.
Nai ukuuku ni Kalou me laveti ni da veivakarokorokotaki.
Sa i vakadei ni gauna kei Viti ni o Karisito(CHRIST IN YOU) sa veiliutaki.

Sa dola na katuba ni gauna vou kei Viti me da vakasarava.
Marau kei na i yau ka maroroi tu me nomu mo vakayagataka.
Nomu cakacaka me ra vakabulai na yalo vua na Turaga.
Ena vei o ni lomalagi ni cava nai tavi mo tavaki Koya e macawa.

Sa na cuva vei Viti na matanitu kece e vuravura.
Ni ra vakadinadinataka ni tu e yasana ko Jiova(YHWH) ni Lewe Vuqa.
Me vakadeitaki na sau na mana kei Viti vei na Ulumatua.

Sai Sira(Zerah) na luvei Juta(Judah) me kilai e Viti ni taukei dina ni vanua.
Sa mai vakasesei ka mai vakayalitaki na kedrau i vola na drua.
Ni a tovolea na meca me vakawabokotaki rau e noda vuravura.
Sa na vakadrukai ga ni tawa kila na i tuvatuva ni Kalou bula.
Me rau na sota ka veikilai na veitacini drua ni bera ni oti na gauna.

Au sa kerea saka na veivosoti e noda Viti raraba.
De levu vei keda ena sega beka ni ciqoma rawa.
Au sureta saka na vanua mo wawa ka vakarorogo mada.
Ni sa na takoso na Kalou ena sega tale e dua ena tu rawa.

Serekali bibi na KAUWAI au kerea me sa mai tini.
Ni vakarorogo saka mada vakavinaka na lewe i Viti.
Noda Kalou sa wirica na i vakawirimadigi me taiki.
Me tekicuva na vanua me rokova ka rerevaka na Vunau e Tini.

Sa i koya saka oqo na ka vuni ena bula kina na vanua.
Ni sa ciqoma o Viti me muria nai vakaro ni Kalou bula.
Sa na qai yaco na veivakalougatataki i Jiova(YHWH) ni Lewe Vuqa.
Na bula sautu kei na veilomani sai i divi tu ni noda vanua.
Au sauvuki me'u vakarogoca na vanua ni vakasolokakana.
Na lewa ni Kalou bula me kakua sara na tu saqata.

NA YAVUSA LEVU E TINIKARUA
NI SA NA KABI VATA O VITI KEI VURAVURA
E LIMA E NODRA E VITU EDA NA TAURA
SA YACA TU E LIU NI NODA VANUA
SA QAI MAI VITI ENA GAUNA NI KUA
E LIU O VITU SE O RA ERA DAU CAVUTA.

AU TACAKE KI NA NODA ULUVATU
AU LAVETA RUARUA NA LIGAQU
ME KUA NI QARAVI NA KALOU LASU
KO JIOVA MO NANUMA E LOMAMU
SA YACOVI VITI NA VUA NI NODA MASU
REREVAKA GA NA KALOU KA DOKA NA TUI SAU.

ENA YACO DINA NA NEIMAMI I NAKI
NA MUA I RA NI NODA VANUA ME VEILIUTAKI
ME BOKOCA NA MATANITU VEIVERETAKI
NI NONA LEWA NA KALOU LAGILAGI.

MATANITU KEI NA LOTU VAKA ROMA(LOTU KATOLIKA) RAU VEIVUKEI KA LEWA VATA
BULI NA LAWA ME BOKOCI NA SIGA MAKAWA(VAKARAUWAI) NI LOTU TAUMADA
ME VEISOSOMITAKI NAI MATAI NI SIGA(SIGATABU) E LOMA NI MACAWA
SA I ULUBALE WALEGA ME SIGA NI TUCAKE TALE NI NODA TURAGA.

E DUA NA KA VAKADOMOBULA
ENA KAUTA MAI NA VEISAU NI GAUNA
I TURAGALEVU MO QARAUNA
MO TAUCA KINA NA NOMU NANUMA
ME RA KAU TANI NA YAGO VULAVULA(FREEMASONS).

O ROKOTUICOLO SA TEKICUVA
NA I VOLA VIVIGI E SA UCUNA
E TEVUKA I NA TEVELI KULA
VOSA NI VOLA E SA TUKUNA
DUA BAU NA LOTU(VA-KARISITO) ME DA TAURA
SA VACAVA O VITI NI KUA.

DUA BAU GA NA LOTU(VA-KARISITO) ENA QAI VAKABAU
SAI KOYA QORI NA NOQU O AU
NA LOTU NI VURAVURA ME RA QEAVU
ENA KAMA YAVU NA KENA I VOLA TABU.

NA DEMOCRACY KEI NA DECREE E RAU SA NA YALI
NI SA SEGA NI YAGA VEI VITI NA NODRAU VEIQARAVI
SA KACIVI LESU MAI NA DECALOGUE ME VEISOSOMITAKI
OQORI NA NODRA YAVU TAUMADA NA QASE ENA VEILIUTAKI.

DUA TALE NAI TAVI ME QARAVI MADA
VOLA I TUKUTUKU KEI VITI MAKAWA
NODRA SEMA DRA E LOMA NI WAQA
NODRA VAKASAQARA NA VANUA TAUMADA
E BIUTU KO TURA NA TUKADRA
ME TAWANI KO VURAVURA RARABA.

DUA NA BOSE LEVU ENA KACIVI
ENA QAI CEREKI NAI VOLA VIVIGI
SA NA QAI VAKARAU ME WILIKI
ME NA QAI SEREKI NA KAWA KEI VITI.

NA I VOLA TABU SA TUKUNI KINA
NA I VOLA VIVIGI MO VAKARAICA
E TAURA TU NA GONE NI VITIA
MUA IRA NI VANUA E TIKO KINA
NI RAU VEIYACANI NA PAROFITA(JEREMAIA)
O KOYA OQORI ENA QAI WILIKA.

NA PAROFITA KO AISEA SA KACIKACI
NA KUILA NI KALOU LEVU ME NA VAKARAUTAKI
ME NA RAICA NA VEIMATANITU TANI
NI SA YACO OTI NA VEIYALAYALATI
MAI IJIPITA SARA KI KENANI
O VITI SARA KI BOLATAGANE
O VURAVURA KI LOMALAGI.

NA NOQU GAUNA ME SA DOLAVI
NOQU AGILOSI RA VEIVALIVALI
ERA TALAI TIKO MAI LOMALAGI
ME RA MAI YADRAVA NA NOQU I NAKI
SA TABU SARA NA CICI LAWAKI
POLITIKI OQORI MO BIUTA TANI
OQORI NA QITO NEI SETANI
E RA QITO KINA NA VAVALAGI
TURAGA KECE RA LEWENA YANI
MANA NI VANUA SA MAI YALI.

NA WAQA NI MALIWA LALA ERA KACI
SA VEISAU NA LIWA NI CAGI
VAKAITAVI RA VEISAUTAKI
SULU MAKAWA ME SA KAUTANI
NA CABE CAKE NA GONE LOMANI
NA KENA I RAIRAI E DUA TANI
NA DAKAI KECE ERA VANATAKI
NA GAUNA NI VEIBULI LAGILAGI.

NA I TUKUTUKU NI GAUNA SA NA DOLAVI MADA
MO NI ROGOCA KECE NODA VITI LOMANI
VEI YAVUSA TURAGA, TURAGA NI BULA KECE SARA
SA DOLAVA NA KALOU NA GUSUQU MEU VOSA RAWA
ME VAKABULAI E VITI NA KAWA TAMATA
SA CABE E VITI NA KATO NI MANA.

AU TIKO MAI NA VATU NI SIGA
NA GAUNA SA VUNI RARAMA
ME KUNE E VITI NA KALOUGATA
SA DOLA E VITI NA KATO NI CAKA MANA
AU SA RUI YALO KATAKATA.

LIMA NA UDOLU E VA E TINIKALIMA
NA OVISA AU MAI KAUTI IRA
ME LAKI YADRAVA NA PASIVIKA
VAKARAU DURI NA MESAIA(KARISITO).

NA I DOLA NI KAVA NI GAUNA E VEIVAKURABUITAKI DINA
NI VANADAKUI VITI O VURAVURA KA SOGOTA NA KA ME BULA KINA
SA YAVALA NA VANUA ME VAKADURI KA LAVETI NA KENA MESAIA(KARISITO)
ENA QAI CICI MURI VITI MAI O VURAVURA NI TAURA TU NA KENA KUILA.

NA GAUNA VOU EDA VOLEKATA
DAUSIGALEVU NA VURAVURAYA
E RAWA NI TINI KI NA KANA TAMATA
LIMA NA YABAKI NAI YALAYALA
QAI SAUTU NA VURAVURAYA.

NI MAI ROGOCA NA VEIWEKANI
E DUA NA KA U TUKUNA YANI
SA QAI OTI NA VEIMECAKI
ME DA TIKO VATA KA VEILOMANI
SA SOGO NA VANUA LISITAKI
ME BALETI IRA TU NA VULAGI.

IO ME YACO NA SAUTU NI VANUA
NA VULAGI ERA SA DUI SUKA
NA TIKI NI QELE ERA SA TAURA
ENA SUKA TALE MAI VAKAYADUA
NA NODA BISINI ENA KAUKAUWA
ME YACOVA NI RUSA NA VURAVURA.